shababtomorrow

كـــل مــا هــــو جـــديـــد
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 حوار ساخن جداً مع انفلونزا الطيور :-

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
asmaa
مراقبة عامة
مراقبة عامة
avatar

انثى عدد الرسائل : 109
العمر : 31
العمل/الترفيه : الكمبيوتر
sms : إذا اردت شئ بشده فأطلق صراحه فإن عاد إليك فهو لك وإن لم يعد فهو لم يكن لك من البداية
مزاجى :
تاريخ التسجيل : 25/04/2008

مُساهمةموضوع: حوار ساخن جداً مع انفلونزا الطيور :-   الجمعة أبريل 25, 2008 4:48 pm

الفيروس يصرح : جربت أدخل جسم مواطن مصري!

تفاصيل المباحثات المشتركة مع الميكروبات المصرية !

إذا فتحت أي جريدة أو مجلة أو قناة تلفزيونية أو إذاعية أو أي وسيلة إعلام مسموعة أو مقروءة , ستجد أن الجميع يتكلم في موضوع واحد هو : أنفلونزا الطيور.. أتعجب في سري من هذا الاهتمام غير العادي .. هم الطيور دول كانوا من بقيت أهالينا يعني ؟؟


لسبب ما أردت أن أكتب عن هذا الموضوع.. و لسبب ما أردت أن يكون الموضوع مختلفا.. الكل كتب عن أنفلونزا الطيور.. ايه الجديد اللي ممكن اكتبه ؟؟

فكرت مليا في الموضوع و توصلت للفكرة التي قرأتها أنت للتو في العنوان.. ليه لأ ؟؟ مانستضيف الفيروس نفسه و نعمل معاه حوار.. مش اشتغالة بقى ؟؟ محدش عملها قبل كده و أهو يبقى انفراد..

لن أحكي لكم عن مغامراتي المستميته في تحديد موعد مع هذا الفيروس المشغول جدا.. لكن يكفي أن أقول أنني استطعت أن أصل إليه بطريقة ما و أجريت معه هذا الحوار الممتع و المتميز جدا..


احنا : اهلا و سهلا يا عم الفيروس


الفيروس: اهلا اهلا ...


احنا : لو سمحت ياريت تعرف اخوانا القراء بنفسك..


الفيروس: اسمي في البطاقة h5 .. و اسمي الفني ( فيروس انفلونزا الطيور)..


احنا : ما هو محل الاقامة ؟


الفيروس: محل الاقامة مش ثابت للأسف.. اصلي غاوي سفر بيني و بينك..


احنا : طيب ما هو محل الميلاد ؟


الفيروس: أنا اتولدت أساسا في جنوب شرق آسيا.. قول في الصين كده..


احنا : كلمنا عن نفسك شوية..


الفيروس: أنا فيروس عادي زي أي فيروس في الساحة الطبية.. بس كل ما هنالك إني وجه جديد و انت عارف بقى و سائل الاعلام بتهتم بكل ما هو جديد..


احنا : إيه الجديد اللي قدمته ؟


الفيروس: يمكن الجديد إني غاوي فراخ و بط و وز..و شهيتي مفتوحة حبتين .. بس كده..


احنا : طيب إيه اللي جابك عندنا يا استاذ h5 ؟


الفيروس: أبدا.. لقيت كل حاجه بتجيلكم من الصين و انتم فرحانين بيها.. فقلت آجي أنا يمكن ترحبوا بيا أنا كمان !


احنا : نرحب بيك ؟ يعني جاي تخرب بيتنا و نرحب بيك ؟؟ تيجي ازاي دي ؟


الفيروس: يا بيه مالبضايع اللي جايالكم من الصين جايه تخرب بيتكم هيا كمان, و فرحانين بيها و طايرين بيها.. اشمعنه انا يعني ؟؟


احنا : مش واخد بالي ..


الفيروس: اسمع يا سيدي.. البضايع الصيني دي مش جاية تضرب الصناعة و الاقتصاد المصري ؟


احنا : بيحصل !


الفيروس : أنا كمان جاي أضرب الفراخ و الاقتصاد المصري.. هيا هيا يعني !!


احنا : دانت فيروس مثقف قوي.. طيب بلاش كلام في السياسة عشان الناس ماتزهقش..


الفيروس: زي ما تحب..


احنا : انت ازاي دخلت الأراضي المصرية ؟


الفيروس : بلاش كلام في النقطة دي لو سمحت.. أنا متسلل صحيح بس مش عايز مشاكل مع الداخلية الله يخليك..


احنا : يعني دخلت ازاي ؟


الفيروس: دخلت مع بطة مهاجرة وصلتني في طريقها .. أوتو ستوب يعني !


احنا : و ناوي تعمل ايه في مصر ؟


الفيروس : أبدا.. أنا باتكاثر على البط و الوز و الفراخ و الطيور الظريفة دي..


احنا : طيب مش ناوي تنتقل للبني ادمين ؟


الفيروس : لا طبعا ..


احنا : ليه ؟


الفيروس: شوف يا بيه .. احنا الفيروسات غاويين أذية صحيح , لكن مابنحبش نقطّع على بعض .. كلام في سرك كده .. أنا جربت أدخل جسم مواطن مصري.. لقيت لما دخلت لقيت زملاء كتير قوي .. (التهاب كبدي و بائي) على (بلهارسيا) على (التهاب سحائي) على (سرطان) على (سالمونيللا).. لقيت خلق كتير قوي يا بيه.. لقوني داخل عليهم قاموا وقفوا.. و خدوني على جنب.. و رنوني حتة علقة مكن ,خلتني أزرقّ..!! شايف البشلة اللي في وشي دي ؟؟ إهي دي ضربة مطوة من الأخ (فشل كلوي) !


احنا : و بعدين ؟؟


الفيروس : أبدا.. بعد ما خدت العلقة التمام, قعدنا قعدة عرب.. و اتكلمنا كلام فيروسات من الآخر و اتفقنا على المفيد..


احنا : اتفقتوا على ايه بالضبط ؟


الفيروس: اتفقنا على إن انا مش من هنا و مش ابن بلد فلازم ألتزم بالأصول ..و ما قطّعش على الميكروبات المصرية الصميمة.. اتفقنا على قاعدة ( صباح الخير يا جاري ,انت في حالك و انا في حالي!) يعني بلاش تقطيع على بعض و خليني في الفراخ و العصافير و ما أهوبش ناحية منطقة الميكروبات التانية.. أصلها أرزاق يا بيه و غلط ناخد رزق بعض عدم المؤاخذة..و ده اللي أعلنا عنه في المؤتمر الصحفي بعد المباحثات اللي اجريناها مع بعض في أحد مقالب الزبالة..
احنا : تشرفنا بلقاءك يا سيد h5
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
المدير العام
المدير العام
avatar

ذكر عدد الرسائل : 476
العمر : 27
العمل/الترفيه : الكمبيوتر
sms : حبيبتى متى تعلمى كم اهواكى .... ابيع من اجلك الدنيا وما فيها ان تطلبى البحر فى عينيكى اسكبه وان تطلبى الشمس فى كفيكى ارميها ( كلمة احبك ) فوق الماء اكتبها وللطيور احكيها يا من بعينيها اذا نظرت للقمر اهتز من جمالها وكاد يسقط من السماء الى الارض ليقبل عينيكى فتحمله خشية ان يعرف العالم بأجمعه انه يوجد على الارض وردة اجمل من القمر فينظرون اليها وينسون القمر .....
تاريخ التسجيل : 03/04/2008

مُساهمةموضوع: رد: حوار ساخن جداً مع انفلونزا الطيور :-   السبت أبريل 26, 2008 3:40 pm

جميل اوى يا اسماء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shababtomorrow.yoo7.com
Dark_Vatar
مشرف قسم
مشرف قسم
avatar

ذكر عدد الرسائل : 85
العمر : 26
العمل/الترفيه : طالب
sms : My SMS واعيش على صوتك ودفء نغماتك وأدرس سحر نظراتك يا من أذابتنى روعة جمالك فأنا عشقت لحظة صمتك ورقة حوارك
تاريخ التسجيل : 26/04/2008

مُساهمةموضوع: رد: حوار ساخن جداً مع انفلونزا الطيور :-   الإثنين مايو 05, 2008 1:47 pm

على فكرة انت دمك خفيف جدا

_________________
مع تحيات
طائر الليل الحزين
اغفر كل ذنوبك فى دقيقتبن فقط
http://www.shbab1.com/2minutes.htm
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار ساخن جداً مع انفلونزا الطيور :-
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shababtomorrow :: عــــالـــم التـــرفـيــــه :: فــــــــرفـــشـــــة-
انتقل الى: